Patuloy na laman ng social media ang kontrobersyal na cheating scandal na kinasasangkutan nina Maris Racal, Anthony Jennings, at dating nobya ni Anthony na si Jam Villanueva. Kamakailan, naglabas ng public apology si Maris Racal na imbes makakuha ng simpatya ay lalo pang naging mitsa ng pangungutya at pagbatikos mula sa mga netizens.
Sa kanyang pahayag, sinabi ni Maris na nangyari ang lahat dahil vulnerable siya at nagkamali dahil sa pagiging “alone” niya sa panahong iyon. Ipinunto rin niya na sinabi umano ni Anthony Jennings na “single” siya, dahilan kung bakit naging malapit sila sa isa’t isa.
"I was very vulnerable at that time. I felt alone and needed attention. Anthony told me he was single. I am truly sorry sa mga taong nasaktan at nadamay sa sitwasyong ito," saad ni Maris.
Ngunit sa halip na makakuha ng pang-unawa, mas lalong nagalit ang mga netizens dahil sa tila kontradiksyon ng mga sinabi ni Maris Racal.
Maraming netizens ang nakapansin sa mga pagbabago sa tono ng pahayag ni Maris. Matatandaang una niyang sinabi, “Anthony is out of the picture. I am the main issue here,” na tila inaako ang buong responsibilidad. Ngunit sa kanyang bagong pahayag, tila inilalagay niya ang bigat ng sitwasyon kay Anthony Jennings sa pagsasabing single ito noong panahong iyon.
“Ano ba talaga, Maris? Una sabi mo, ikaw ang main issue. Ngayon, si Anthony na ang sinisisi mo?”
“Scripted masyado! Halatang pinaghandaan pero hindi pinag-isipan.”
Bumuhos ang mga negatibong komento ng netizens sa social media. Ayon sa karamihan, halatang pinaghandaan ang apology statement ni Maris ngunit hindi nila ramdam ang sincerity at pagiging totoo nito.
"Scripted alert! Parang tinuruan ng PR team para magpaliwanag pero bagsak sa credibility."
"Sana man lang consistent ka sa mga statements mo. Una, ikaw lang daw may kasalanan. Ngayon, parang si Anthony na may mali?"
"Mas lalo mo lang ginulo, Maris. Kung magsisisi ka, magsisi ka na lang nang totoo."
